Transcription
1
Monsieur, hier je receus par le moyen de nostre seur de
2
Saincte Clère d’Avignon, vous letres du 29e passé, ansamble
3
celles que vous escrivés à messeigneurs les cardinaux Urcin
4
et d’Armagnac an ma faveur, que je vous remercie très humblement.
5
Pour responce, je vous diray que le permier samedi du présent,
6
je suis venu en cest lieu pour y comancer ma visite, mays
7
il a pleu à Dieu permièrement moy visiter moy mesmes par
8
ugne inflamation et doleur quil mest seurveneu à la mein
9
droicte, de telle fason que à peyne pouray-je signer la
10
présante, tant san fault que je puisse monter à cheval ;
11
conbien que Dieu grasses, despuis troys jours la postume
12
cest ouverte et comence fort à se purger. Jay remis
13
les dictes letres et tout le faict à monsieur de La
14
Coste, qui, au permier jour doibt aller en Avignon, conbien
15
que je pance sela ne depend de la faculté de mondit
16
seigneur légat et que vous laurés plustost par le moyen
17
de monsieur lanbassadeur. Le segneur Arfonce ma faict cest
18
honeur de me venyr voyr. Mays, vollant incontinnent prendre
19
la poste, icy, ne vous ay vollu fère la présente plus longue.
20
Madame de Cazaneuve et la grace à Dieu en bone sancté
21
et atandons en bone dévotion mes neveus et nièces que Dieu
22
vueilhe conduyre propèrement et vous doinct
23
Monsieur en saincté très bone et longue vie, me recomandant
24
très heimblement à vostre bone graces et de madame de Gordes,
25
d’Apt, ce 12e octobre 1572
26
Vostre très heimble et hobéissant frère
27
Francois de Simienne
28